Kampioni në fuqi, Trepça ’89 nga Mitrovica, hasi në një lojë mjaft të mirë të debutuesit Vllaznisë nga Pozhorani, në takimin që u luaj në Gjilan. Vllaznia triumfoi me rezultat 2:1 kundër Trepçës ’89, në ndeshjen e javës së katërt të elitës së futbollit. Kjo ishte ndeshja më e mirë e Vllaznisë dhe fitorja e parë e saj. Debutuesi i doli dardhë me bisht kampionit.
Almedin Murati për mrekulli goditi dhe kaloi në epërsi Vllazninë pikërisht në minutën e 25-të. Një minutë pa përfunduar pjesa e parë e takimit, Rron Broja barazoi rezultatin. Kur pritej se 45 minutat e parë do të mbyllen me barazim, “vendasit” shënuan falë Besim Alidemajt dhe 2:1.