Besa e Pejës u shpartallua tërësisht nga Feronikeli, duke pësuar humbje me rezultat 5:0, në ndeshjen që u luajt në stadiumin “Shahin Haxhiislami” në Pejë. Skuadra nga Drenasi bëri lojë fantastike dhe gjithçka u vulos për 45 minutat e parë kur vendasit pësuan tri herë. Në minutën e 10-të, Prekazi me kokë qëllon shtyllën. Futbollisti Mark Milicaj ishte në formë të mirë dhe shënoi dy gola, në minutën e 28-të dhe në atë të 41-tën. Në fund të pjesës së parë, Elshani realizoi për 0:3. Në minutën e 61-të, Lushtaku thelloi në 0:4 dhe Arifaj shënoi për rezultatin përfundimtar 0:5.
Feronikeli ngjitet në vend të pestë me 22 pikë, ngec për katër pikë nga lideri Llapi, ndërsa Besa është në pozitën e 10-të me 13 pikë. Gjilani e mundi liderin Llapin nga Podujeva, me rezultat 2:0. Në minutën e 17-të, Haxhimusa asiston te Rusi i cili shënon për 1:0.
Duhet theksuar se Gjilani ka qenë me fat në dy raste. Në minutën e 45-të, Zhdrella gjuan bukur nga goditja e dënimit, shtylla e shpëton Gjilanin. Në minutën e 63-të, Gjilani me fat, pasi që gjuajtja e Edon Zeqirit nga rreth 20 metra, ndalet në shtyllë. Në minutën e 80-të, Thaçi për mrekulli asistoi te Rusi që shënon për 2:0. Gjilani renditet në vend të tretë me 23 pikë, ka tri me pak se Llapi që është në krye të tabelës pas 14 jave në elitën e futbollit.
Valla Superliga e Kosovës
Drenica-Trepça '89 1:0
Liria-Prishtina 1:0
Flamurtari-Drita 1:1
Vllaznia-Vëllaznimi 1:2
Besa-Feronikeli 0:5
Gjilani-Llapi 2:0
Tabela
1. Llapi 14 8 2 4 26
2. Prishtina 14 7 4 3 25
3. Gjilani 14 5 8 1 23
4. Drita 14 5 7 2 22
5. Feronikeli 14 5 7 2 22
6. Liria 14 6 4 4 22
7. Trepça '89 14 6 3 5 21
8. Vëllaznimi 14 5 6 3 21
9. Drenica 14 5 3 6 18
10. Besa 14 4 1 9 13
11. Flamurtari 14 1 5 8 8
12. Vllaznia 14 1 2 11 5
Në javën e 15-të, do të takohen: Llapi-Feronikeli, Flamurtari-Besa, Drita-Liria, Prishtina-Drenica, Trepça '89-Vllaznia dhe Vëllaznimi-Gjilani.
