Skuadra shqiptare, Kukësi, triumfoi me rezultat 2:1 në ballafaqim me Bursaspor-in, në miqësoren e futbollit që u zhvillua në Antalia. Para dy ditëve Kukësi me rezultat identik kishte mundur Kayserispor-in nga Turqia, tani regjistroi edhe të dytën rresht dhe dëshmoi se janë në rritje të formës.
Skuadra e drejtuar nga austriaku Peter Pacult treguan lojë të mirë ndaj Bursaspor-it.
Bursaspor-i kaloi e para në epërsi me golin e Pablo Ballatës në minutën e 33-të. Në pjesën e dytë, Kukësi tregoi lojë më energjike dhe ngadhënjeu me golat e futbollistëve Eni Imamit (65’) dhe Donjet Shkodrës (70’).
