Nuk ka gola në ndeshjen mes Chelseat dhe Arsenalit - Bota Sot
Nuk ka gola në ndeshjen mes Chelseat dhe Arsenalit

Futboll

E enjte, 21 qershor 2018

Nuk ka gola në ndeshjen mes Chelseat dhe Arsenalit

Më: 10 janar 2018 Në ora: 23:32
Nga ndeshja mes Chelseat dhe Arsenalit

Ka përfunduar ndeshja mes Chelseat dhe Arsenalin me rezultat 0:0. 

The Blues dhe Gunners janë ndarë të barabartë duke mos mundur të realizojnë ndonjë gol përgjatë 90 minutave në Stamford Bridge.

Pjesa e parë i takoi vendasve që dominuan me posedimin e topit dhe raste të krijuara, por që nuk finalizuan me gol.

Victor Moses pati rast të mirë në të 24 minutë, por nuk mundi ta mposht portierin David Ospinas.

Ky i fundit ishte më i suksesshëm edhe në të 45 minutë, kur nuk e lejoi të realizoi gol Cesc Fabregasin.

Në pjesën e dytë Jack Wilshere pësoi një lëndim, i cili bëri që të zëvendësohet në të 57 minutë nga ana e Mohamed Elnenyt.

Edhe në 45 minutshin e dytë vazhduan të dominojnë të besuarit e trajnerit Antonio Conte.

Por, asnjëherë të vetme nuk arritën të rrezikonin portën e Gunnersave, ku kontribuoi edhe Shkodran Mustafi që kishte paraqitje për tu duartrokitur.

Deri në fund të ndeshjes nuk pati gol dhe kështu takimi përfundoi i barabartë dhe gjithçka mbetet të zgjidhet në takimin e dytë.

Theksojmë se për herë të parë në shtetin anglez është shfrytëzuar teknologjia e video asistencës së gjyqtarëve (VAR), por që nuk kishte nevojë ta shfrytëzonte gjyqtari kryesor, Martin Atkinson.

Chelsea dhe Arsenal sërish do të takohen më 25 shkurt, ku gjithçka do të vendoset rreth finalistit të Carabao Cup ndërsa në gjysmëfinalen tjetër po ballafaqohen Manchester City dhe Bristol City.

Komentet
comments powered by Disqus
Sot mund të lexoni Shfletoni kopertinat
Sondazh
test