Humbja e parë për liderin e Premier Leagues, Manchester City. Në stadiumin “Anfield” Liverpooli triumfoi me rezultat 4:3 ndaj Cityt, në ndeshjen e javës s 23-të. Gjithçka u shemb në pjesën e dytë për ‘milionerët’ kur Liverpooli dëshmoi superlojë dhe ishin të pandalshëm në çdo cep të fushës. Trajneri Pep Guardiola me Manchester Cityn pas 21 fitore e 1 barazimi, megjithatë u ndalën keq në “Anfield”. Një fitore që do të mbahet mend gjatë edhe për trajnerin Jurgen Klopp i cili as vet se ka pritur se do të mposhtin Cityn. Spektakël në “Anfiled”, u shënuan gjithsej shtatë gola.
Në minutën e 9-të, Alex Oxlade-Chamberlain, me hapat të shpejtë dhe nga rreth 17-18 metra me goditje të fortë e shkundi portën e Manchester Cityt, 1:0. Pesë minuta pa u përmbyllur pjesa e parë, Leroy Sane barazoi rezultatin 1:1. Mirëpo, pjesa e dytë ka qenë në sundimin e ‘Redsave’, duke e mbush portën e liderit të Premier Leagues. Roberto Firmino në minutën e 59-të doli më i fortë se njëri nga mbrojtësit rival dhe me mjeshtri gjuajti në këndin e majtë kur topi goditi pingulen dhe futet të portën e portierit, Ederson.
Në minutën e 61-të, Sadio Mane pa menduar as dy herë nga 15 metra shënoi eurogol në pjesën e epërme të djathtë të portës së Cityt, 3:1. Portieri Ederson doli jashtë 16-shit ta evitoi rrezikun, topi shkon deri te Mohamed Salah i cili e goditi nga rreth 35-36 metra dhe fërfëlloi në rrjetë, 4:1. Në minutën e 84-ë, Bernardo Silva nga afërsia realizoi për 4:2 dhe Ilkay Gundogan ngushtoi humbjen në 4:3 pikërisht në minutën 90+3. Manchester City kryeson me 62 pikë, ka 15 më shumë se Manchester Utd në vend të dytë dhe se Liverpooli që renditet i treti, si dhe Chesea që mban pozitën e katërt.
Liga e Anglisë
Liverpool-Manchester City 4:3 (1:1)
Bournemouth-Arsenal 2:1 (0:0)
Tottenham-Everton 4:0 (1:0)
Chelsea-Leicester 0:0 (0:0)
C.Palace-Burnley 1:0 (1:0)
Huddersfield-West Ham 1:4 (1:1)
Newcastle-Swansea 1:1 (0:0)
Watford-Southampton 2:2 (0:2)
West Brom-Brighton 2:0 (1:0)
Tabela
1. Manchester City 23 20 2 1 62
2. Manchester United 22 14 5 3 47
3. Liverpool 23 13 8 2 47
4. Chelsea 23 14 5 4 47
5. Tottenham 23 13 5 5 44
6. Arsenal 23 11 6 6 39
7. Burnley 23 9 7 7 34
8. Leicester 23 8 7 8 31
9. Everton 23 7 6 10 27
10. Watford 23 7 5 11 26
11. West Ham 23 6 7 10 25
12. Crystal Palace 23 6 7 10 25
13. Bournemouth 23 6 6 11 24
14. Huddersfield 23 6 6 11 24
15. Newcastle 23 6 5 12 23
16. Brighton 23 5 8 10 23
17. Southampton 23 4 9 10 21
18. Stoke 22 5 5 12 20
19. West Brom 23 3 10 10 19
20. Swansea 23 4 5 14 17
