Drejtori sportiv i Interit, Piero Ausilio konfirmon negociatat për Rafinhan e Barcelonës, por për Ramires thotë se është lojtar i Jiangsu Suning dhe klubi po punon për emra tjerë.
Nerazzurrët konfirmuan nënshkrimin e parë të janarit mbrëmjen e së hënës.
Është mbrojtësi argjentinas, Lisandro Lopez, i cili arrin te Interi si huazim me drejt blerje në fund të sezonit për nëntë milionë euro.
Nga fillimi i afatit kalimtar ka pasur spekulime se Interi janë pas Rafinhas së Barcelonës dhe brazilianit të Jiangsu, Ramires dhe pritet transferimi i tyre në ditët e ardhshme.
Por, drejtori sportiv i klubit, Ausilio, ka treguar situatën duke thënë se Rafinha mund të arrihet, ndërsa Ramires jo, pasi klubi po punon për emra tjerë.
Talenti brazilian llogaritej e ardhmja e Barçës, por lëndimet e kanë ndaluar!
“Ne jemi gjithmonë të sigurt kur punojmë”, ka thënë fillimisht Ausilio për Sky kur u pyet për mundësinë e afrimit të Rafinhas.
“Ne kemi nevojë për kohë për ta bërë këtë”, shtoi ai.
“Sa për Ramires, ai është një lojtar i Jiangsu Suning dhe ata do të vendosin se çfarë të bëjnë me të. Po punojmë për gjëra të tjera”, përfundoi drejtori sportiv i Interit.
