Barcelona me komunikatë zyrtare për Griezmannin

Futboll

Barcelona me komunikatë zyrtare për Griezmannin

Më: 20 janar 2018 Në ora: 16:01
Antoine Griezmann

Barcelona ka reaguar ashpër ndaj raportimeve se kanë arritur marrëveshje me Griezmannin.

Në mëngjesin e së shtunës, mediat spanjolle raportuan se Barcelona ka arritur marrëveshje personale me sulmuesin e Atletico Madridit, Antoine Griezmann dhe se francezi do t’i bashkohet katalunasve gjatë verës.

Por, Barça ka reaguar ashpër duke i quajtur vetëm spekulime, teksa ka përsëritur respektin që ka për klubin madrilen.

“FC Barcelona dënon fuqishëm informatat e transmetuara në orët e fundit nga media të ndryshme për lojtarin e Atletico Madridit, Antoine Griezmann, se ka arritur marrëveshje me klubin tonë”.

“FC Barcelona i kundërshton ashpër këto raportime dhe përsërit respektin që ka për institucionin e Atlético Madrid”, shkruhet në komunikatën e Barcelonës.

Sot mund të lexoni Shfletoni kopertinat