Abrashi: Fitore e madhe ndaj Leipzigut, tani fokusi te Dortmundi

Futboll

Abrashi: Fitore e madhe ndaj Leipzigut, tani fokusi te Dortmundi

Më: 21 janar 2018 Në ora: 09:05
Amir Abrashi

Freiburg ka shënuar fitore të rëndësishme në kuadër të Bundesligës.

Vendasit triumfuan para shikuesve të vetë ndaj një ndër skuadrat më të forta gjermane, RB Leipzig me rezultat 2-1.

Rreth këtij takimi, ka folur edhe mesfushori i kombëtare shqiptare, i cili vesh fanellën e Freibugut, Amir Abrashi.

Ky i fundit ka ndarë gëzimin me tifozët për këtë fitore të madhe dhe se fokusi tashmë është për ndeshjen e radhës ndaj Borussia Dortmundit.

“Fitore e madhe ndaj RB Leipzig. Tani të fokusuar për ndeshjen e radhës ndaj Dortmundit në Bundesliga. Faleminderit tifozëve për përkrahjen e madhe”, ka shkruar ndër të tjerash Abrashi në Instagram.

Pas kësaj fitore, Freiburg zë pozitën e 12-të renditjes tabelore të ligës elitare gjermane me 23 pikë.

Ndryshe, 27-vjeçari deri më tani ka pasur 58 paraqitje për skuadrën gjermane, ku e ka shënuar katër gola.

Sot mund të lexoni Shfletoni kopertinat