Barcelona u interesuar për Goretzkan, por talenti gjerman zgjodhi Bayern Munichun, thotë Rummenigge.
Shefi ekzekutiv i Bayern Munich, Karl-Heinz Rummenigge, ka deklaruar se Barcelona ishte seriozisht e interesuar për talentin gjerman, Leon Goretzka, që në fund zgjodhi Bavarezët.
“Nëse ne nuk do të kishim nënshkruar me Leon Goretzkan, padyshim që këtë do ta bënte Barcelona”, u shpreh Rummenigge.
“Leon është shumë i talentuar dhe vetëm 22 vjeçar. Është pjesë e përfaqësueses së Gjermanisë dhe shumë i fortë në pozitën e tij. Do të kishim gabuar shumë nëse nuk do ta kishim blerë”, shtoi Rummenigge.
Mesfushori Gjerman do të qëndrojë i huazuar te Schalke deri në fund të sezonit, për t’iu bashkuar më pas Bayern Munichut me të cilën skuadër ka nënshkruar kontratë katër vjeçare.
