Kluivert është i joshur me interesimin e Barcelonës dhe fjalët e Lionel Messit, gjithmonë nëse është për t’i besuar raportimeve të mediave spanjolle.
Ditë më parë, mediat spanjolle raportuan se Lionel Messi i ka kërkuar Barcelonës ta transferojë Justin Kluivertin, djalin e legjendës holandeze, Patrick Kluivert.
Lidhur me këtë, është deklaruar edhe i riu, Justin Kluivert.
“Nuk jam në kontakte me Messin, kështu që nuk e di nëse është e vërtetë. Vetëm ai e di çfarë ka ndodhur, por është mirë vetëm ta dëgjosh”, tha Justin Kluivert.
“Dua të përmirësohem në të gjitha aspektet. Ende jam i ri dhe po jap gjithçka çdo stërvitje”.
