Kombëtarja e Gjermanisë, e cila ka në petkun e saj mbrojtësin shqiptar, Shkodran Mustafi, prinë në ranglistën e FIFA-së. Gjermania ka 1609 pikë, duke lënë pas vetes pesë herë kampionin e botës, Brazilin me 1489 pikë. Kampioni në fuqi i Evropës, Portugalia, është në vend të tretë me 1360 pikë, një pikë më shumë se Argjentina e Lionel Messit. Spanja është në vend të gjashtë me 1228 pikë aq sa ka edhe Polonia, kurse Zvicra e shqiptarëve (Xherdan Shaqiri, Granit Xhaka, Valon Behrami, Admir Mehmedi e Blerim Xhemaili) renditet në vend të tetë me 1197 pikë. Italia është në vend të 14-të me 1062 pikë, ka nëntë pikë më shumë se Kroacia e 15-ta dhe Anglia pozicionohet në pozitën e 16-të me 1047 pikë.
Renditja
1. Gjermania 1609
2. Brazili 1489
3. Portugalia 1360
4. Argjentina 1359
5. Belgjika 1337
6. Polonia 1228
6. Spanja 1228
8. Zvicra 1197
9. Franca 1185
10. Kili 1161