Courtois nuk po mendon për merkato, thotë se është i përkushtuar te Chelsea.
Portieri belg, Thibaut Courtois, lidhet me një largim nga “Stamford Bridge” që kur deklaroi: “Zemra ime është në Madrid”.
Real Madridi është interesuar në vazhdimësi për numri një të “Bluve të Londrës”, por duket se nuk e ka ndërmend të largohet gjatë verës nga Premierliga.
“Jam i përkushtuar te Chelsea”, tha ai për “Evening Standard”.
“Kam kontratë deri vitin e ardhshëm dhe do të jem këtu. Do të bëj më të mirën për këtë”.
“Ende nuk kam rinovuar kontratën, por mendoj se nuk është koha e duhur për ta bërë këtë, duhet të presim deri në fund të sezonit. Gjithçka që mund të them është se jam i përkushtuar te Chelsea edhe për sezonin e ardhshëm”, shtoi mes tjerash portieri belg.