Hleb mendon se Ronaldo është më shumë lider se Messi në fushë.
Ish sulmuesi i Barcelonës, Alexander Hleb, ka thënë se Cristiano Ronaldo është lider më i mirë se Lionel Messi, por ende mendon se ky i fundit është lojtari më i mirë në botë.
Barcelona pësoi debakël në Itali nga Roma, duke u eliminuar nga Liga e Kampionëve. Pavarësisht se për disa minuta kishte shiritin e kapitenit, Leo nuk bënte rrolin e liderit në fushë, për dallim nga Cristiano Ronaldo që insistonte nga bashkëlojtarët të qëndronin të fokusuar gjatë ndeshjes të cilët ishin afër eliminimit nga Juventusi.
“Naturisht, Messi është më i miri në botë”, tha 36 vjeçari për “Sport Express”. “Ai është lider i Barcelonës”.
“Ai ka misionin që ta ndihmojë ekipin në momente të vështira, por (kundër Romës) nuk krijoi asnjë shans. Ishte i pafuqishëm”.
“Me gjithë respektin për Leon, Ronaldo është lider më i mirë për ekipin e tij se Messi”, përfundoi Hleb.
