Pikë që nuk maten as me ari për skuadrat shqiptare, Shkupin dhe Renovën nga Xhepçishti i Tetovës. Shkupi si mysafir barazoi 1:1 me Vardarin e Shkupi, në ndeshjen e javës së 27-të të Kampionatit të Maqedonisë futboll. Futbollisti Omar Imeri është kreator i një pike, i cili shënoi në minutën e 31-të, ndërsa vendasit barazuan në minutën e fundit. Renova si vendas e mundi me 2:1 Pobedën nga Prilepi. Fatjon Jusufi (44’) e Lucas Marcos (69’) shënuan për fitoren e Renovës, kurse për Pobedën realizoi Zoran Danoski (45’). Renova është në vend të gjashtë me 31 pikë, një më shumë se Shkupi një pozitë më poshtë.