Skuadrat shqiptare, Renova nga Xhepçishti i Tetovës dhe Shkupi, dolën ballëlartë në kuadër të javës së 28-të të Kampionatit të Maqedonisë. Futbollistët e Renovës dhe ata të Shkupit fituan tri pikë që nuk maten as me ari në luftë për të ikur sa më larg skuadrave të pjesës së poshtme të tabelës. Renova si vendas e mundi me 2:1 Rabotniçkin. Raso (11'-autogol) e Stojanovski (90') shënuan për Renovën dhe Sharkoski (86') për Rabotniçkin.
Renova ngjitet në vend të pestë me 34 pikë, kurse Rabotniçki është i katërti me 35 sosh. Shkupi si mysafir e mundi me 2:1 Akademia Pandev. Për Shkupin shënuan: Bunjamin Shabani (33') e Blazhe Ilijoski (38') dhe për vendasit: Zoran Baldovaliev (45+2'). Shkupi renditet në vend të gjashtë me 33 pikë, ndërsa Pandev i shtati me 32 pikë.
Kampionati i Maqedonisë
Vardari-Shkëndija 2:3
A. Pandev-Shkupi 1:2
Skopje-Sileksi 1:1
Pelisteri-Pobeda 1:1
Renova-Rabotniçki 2:1
Tabela
1. Shkëndija 28 23 3 2 72
2. Vardari 28 14 7 7 49
3. Sileks 28 11 9 8 42
4. Rabotniçki 28 9 8 11 35
5. Renova 28 8 10 10 34
6. Shkupi 27 8 9 10 33
7. A. Pandev 28 7 11 10 32
8. Pobeda 28 6 8 14 26
9. Pelisteri 27 5 10 12 25
10. Skopje 28 4 13 11 25
