Më 19 prill 1989, Milan pret Real Madrid në “San Siro” për ndeshjen e kthimit për gjysmëfinalen e Champions League. Në atë ditë, kuqezinjtë nuk ishin favoritë ndaj “Los Blancos” që konsideroheshin skuadra më e fortë e planetit.
Spanjollët kishin në rastet e tyre lojtarë si Emilio Butragueno dhe Hugo Sanchez, por edhe “djalli” nuk bënte shaka.
Ndeshja e parë ishte mbyllur 1-1 dhe mes polemikave të mëdha.
Milan e gjeti golin e parë pas 18 minutash me anë të Ancelotti, me një goditje të fortë nga 30 metra që shkoi poshtë traversës.
Shtatë minuta më vonë, Frank Rijkaard i dyfishoi shifrat me një goditje me kokë pas krosimit të Mauro Tassotti. Ende pa u mbyllur pjesa e parë, Ruud Gullit mbylli llogaritë me golin e tretë.
“Treshja” holandeze u kompletua me golin e katërt për kuqezinjtë, firmosur nga Marco Van Basten, ndërsa Donadoni e çoi rezultatin në 5-0.
Një natë magjike për Milan, që më pas fitoi Champions League për herë të tretë, duke mposhtur Steaua Bukureshin, 4-0 në finalen e luajtur në Barcelonë.
MILAN-REAL MADRID 5-0
Shënues: Ancelotti 18’, Rijkaard 25’, Gullit 45’, Van Basten 49’, Donandoni 59’
Milan: Galli, Tassotti, Maldini, An. Colombo (64′ F. Galli), Costacurta, Baresi, Donadoni, Rijkaard, Van Basten, Gullit (56′ Virdis), Ancelotti. Trajner: Sacchi.
Real Madrid: Buyo, Chendo, Gordillo, Michel, Sanchis, Gallego, Butragueno, Schuster, Sanchez, Martin Vazquez, Llorente. Trajner: Beenhakker.