Napoli triumfoi 1-0 në fushën e Juventusit dhe tashmë ka hedhur një hap të rëndësishëm për të besuar në titullin kampion. Goli i fitores u shënua nga mbrojtësi shtatlartë Kalidou Koulibaly. Në fushë për 90 minuta qëndroi edhe mbrojtësi i kombëtares shqiptare Elseid Hysaj që bëri një paraqitje mjaft të mirë.
“Goal.com” e vlerëson Hysajn me notën e lartë 7, duke shkruar: “Provon t’i japë gjallëri lojës duke avancuar shpesh me me dëshirën e tij. Nuk ia del që të krijojë epërsi numerike, por tregon një prezencë solide”.
“Oasport” e vlerëson me 6.5 duke shkruar: “Dybala është një “kockë e fortë”, por tercini shqiptar ia del me të mirë e me të keqe për ta mbajtur atë jashtë loje”.
“Calciomercato.it” e vlerëson gjithashtu me notën 6 ndërsa citon për shqiptarin: “Ndeshje ku aplikon taktikë të lartë. Në pjesën e parë Matuidi nuk shtyn shumë, por në të dytën në krahun e tij shihet Douglas Costa”.
“Napoli-zon”, një portal pranë skuadrës së Napolit e vlerëson me Hysajn me 6,5. “Shumë vrapim në krahun e djathtë dhe hyn në shpesh në lojë në të dyja fazat. Shumë i aftë të mbyllë aksione të rrezikshme të kundërshtarëve”.
“Hysaj, vota 6. Në pjesën e parë nuk e vuajti sulmin e Dybala, ndeshje e qetë për tercinin” – shkruanSportface. Edhe ANSA i jep notën 6.
