Mesfushori shqiptar i Zvicrës, Granit Xhaka, ka nënshkruar sot kontratë të re afatgjate me Arsenalin.
Xhaka, i cili gjendet në Kupën e Botës në Rusi me Kombëtaren e Zvicrës, ka nënshkruar kontratë me Arsenalin, njofton klubi londinez.
Në një video të publikuar në llogarinë zyrtare të Arsenalit në Twitter, Xhaka thotë: “Jam i lumtur dhe krenar që kam nënshkruar kontratë të re me Arsenalin dhe shpresoj se në të ardhmen do të kemi rezultate të mira”.
25-vjeçari u paraqit në të gjitha 38 ndeshjet e sezonit të kaluar në Premierligë, duke qenë titullar në 37 prej tyre dhe duke bërë një paraqitje nga stoli.
