Portieri italian Gianluigi Buffon dhe ish kapiteni i Juventusit sapo ka nënshkruar për Paris Saint Germainin.
Ai pos aventurës së re dhe angazhimit në skuadrën franceze, ka folur edhe rreth spekulimeve të fundit për të ardhmen e Cristiano Ronaldos.
Ky i fundit pritet që brenda muajit të kaloj në radhët e gjigantit italian, Juventusit, dhe kjo gjë nuk do ta çudiste gardianin e kampionit francez.
“Unë nuk do të isha i befasuar ta shihja Ronaldon në Juventus, do të më bënte të lumtur, sepse kjo është ajo që bota e Juventusit ka nevojë, të gjej idhuj të rinj dhe t’i lartësoj”, tha Buffon gjatë një interviste me “Sky Sport”.
Portieri, i cili u prezantua të hënën në Paris si një lojtar i ri i PSG-së, gjithashtu shpjegoi se nuk do të shqetësohej nga fakti nëse Ronaldo nuk do të konfirmohej si lojtar i ri i bardhezinjve.
Deklaratat e portierit të ri të PSG-së zhvillohen në një moment që mediat flasin gjithnjë e më shumë për nënshkrimin e mundshëm të Ronaldos për Juventusin, i cili sipas medias ndërkombëtare mund të jetë i afërt.
Juventusi do të paguajë njëqind milionë euro Real Madridin dhe do t’i ofrojë portugezit një kontratë katërvjeçare në këmbim të 30 milionë eurove neto për sezon.
