Barcelona nuk e ka humbur shpresën për të blerë anësorin e Chelsea-t Willian duke bërë një ofertë 75 mln euro.
Mediat angleze kanë zbuluar muajin e kaluar se Chelsea kishte refuzuar një ofertë 60 mln euro nga spanjollët.
Por Ernesto Valverde është rikthyer me një shifër të përmirësuar e cila me siguri do të testojë vullnetin e londinezëve.
Mësohet se gjigantët e La Liga-s kanë ofruar 65 mln euro për lojtarin plus 10 mln euro bonuse.
Pas largimit të Iniesta dhe Paulinho, Willian kërkohet për të shtuar kualitetin në sulm dhe hierarkia e Barça-s kërkon ta bashkojë me bashkëkombësin e tij Coutinho.
Vetë lojtari do të ishte shumë i interesuar për këtë lëvizje, por edhe Manchester United mbetet në ndjekje të brazilianit.
