Në kuadër të përgatitjeve për kampionatin e ri 2018/19 në Ligën e Parë të futbollit vendor, skuadra e Renovës nga Xhepçishti i Tetovës, vazhdon përgatitjet e fazës së dytë në Ohër. Ekipi krahas seancave të rregullta stërvitore sipas plan-programit të stafit teknik me në krye Jeton Beqirin, zhvillon edhe ndeshje kontrolluese. Kështu që pas ndeshjes me Labunishtën, ekipi të martën me fillim në ora 18:00, në stadiumin e Korçës, do të përballet me Skënderbeun kampionin e Shqipërisë.
Ndeshja në fjalë është një rast i mire që trajneri Beqiri t’ju jep rast të gjithë futbollistëve që ka në disponim në veçanti futbollistëve të cilët janë prurjet e afatit kalimtar veror. Me angazhimin e Stojançe Velinovit i cili në fakt pas një viti sërish i është bashkangjitur ekipit në përgatitje. Pra, Renova në këtë afat kalimtar ka angazhuar këto futbollist: Fisnik Zukën, Miran Maksutin, Ylber Beqirin, Aleksandar Ristevskin, Nikolla Pantoviq, Emran Rramadanin, Alban Sulejmani dhe Stojançe Velinov nga ekipi i Rabotniçkit.
Ekipi deri në më 22 korrik kur e përfundon këtë faze të pëgatitjeve do të zhvillon edhe një kontrolluese me ekipin Struga Trim Lum.