Bonucci dorëzon kërkesën për largim nga Milani

Futboll

Bonucci dorëzon kërkesën për largim nga Milani

Më: 17 korrik 2018 Në ora: 23:04
Leonardo Bonucci

Agjenti i Leonardo Bonuccit i ka kërkuar Milanit ta aprovojë largimin e mbrojtësit italian gjatë kësaj verë, me Manchester Unitedin, Manchester City dhe Chelsean të interesuar për të.

Qendërmbrojtësi italian u largua nga Juventusi para një viti për 42 milionë euro, por meqë Milani tani është në duar të Elliott Management Corportation, pasi pronari i deritanishëm, biznesmeni kinez Yonghong Li dështoi ta paguante borxhin e huas.

Klubi u përjashtua nga Evropa Ligë për shkak të shkeljeve të rregullave të Financial Fair Play.

E gjithë kjo pasiguri e ka nxitur 31-vjeçarin ta rikonsiderojë pozitën e tij dhe agjenti Alessandro Kucci i ka kërkuar klubit ta aprovojë transferimin e tij, sipas SpazioMilan.

Bonucci do të mbetej në Milan vetëm për një projekt serioz dhe ambicioz, megjithëse ai po anon kah një kalim në Premierligë.

Sot mund të lexoni Shfletoni kopertinat