Dy skuadrat nga qyteti i Manchesterit kanë shpenzuar shuma marramendëse për të përforcuar ekipet.
Manchester City dhe Manchester United janë mbretër në tregun e transferimeve të futbollistëve.
Në pesë vitet e fundit, dy skuadrat e Premier Ligës kanë shpenzuar plot 1 miliard e 874 milionë euro për blerje futbollistësh.
Që nga viti 2013, Manchester City ka investuar 1 miliard e 14 milionë euro, ndërsa United 860 milionë euro.
“Fajin” më të madh në këtë aspekt e kanë pikërisht trajnerët aktualë të këtyre dy skuadrave, Pep Guardiola dhe Jose Mourinho.
Që nga ardhja e Guardiolas në stol në vitin 2016, “Citizens” kanë shpenzuar 600 milionë euro, ndërsa “Djajtë e Kuq” shpenzuan 431,4 milionë euro që nga momenti kur në stol u ul Jose Mourinho.