Trajneri i Barcelonës, Ernesto Valverde, u shfaq në një konferencë për shtyp për herë të parë, që nga ndeshja e fundit e La Liga-s. Prej më shumë se dy muaj më parë, ai nuk fliste me mediat, por tashmë tregoi pritshmëritë që ka për sezonin e ri, i dyti në stolin e Barçës; të gjendjes së disa emrave të përveçëm dhe merkatos së transferimeve, kur nevojitet më shumë se një muaj për t’u mbyllur.
Skuadra – “Ka lojtarë që kthehen nga huazimet, apo nga skuadra B dhe ne duhet të vendosim. Ne mendojmë se akademia mund të na ndihmojë. Sa për lojtarët që mund të largohen, do ta shohim. Ky turne është gjithashtu një mundësi për lojtarët që kthehen nga huazimet dhe ata që vijnë nga skuadra B”.
Mesfusha – “Ne jemi të hapur për çdo mundësi dhe është e qartë se në mesfushë kemi pasur një rënie të konsiderueshme (Paulinho). Lojtarët që kanë ardhur (Arthur) dhe të rinjtë e skuadrës B kanë një profil të ngjashëm. Është e mundshme që të bëjë ndonjë përforcim tjetër. Ne do të përpiqemi të bëjmë modelin më konkurrues të mundshëm, duke pasur parasysh se edhe Andres (Iniesta) na ka lënë”.
Profili i mesfushorit që mungon – “Kjo nuk varet vetëm nga unë, gjithashtu varet nga klubi dhe merkatoja. Ne duam një lojtar që i përshtatet stilit tonë, kemi nevojë për mesfushorë që gjenerojnë lojë”.
Real Madridi pa Cristiano Ronaldon – “Kjo është një rënie e konsiderueshme, siç vlen për ne largimi i Iniesta. Do të shohim nëse do të ndihet mungesa e tij, apo jo. Të gjitha klubet përpiqen për ta akorduar më mirë ekipin e tyre se sezonin e kaluar. Në vijim janë rezultatet, ato që e tregojnë më së miri këtë”.
Objektivat – “Kërkesa e klubit nuk është vetëm për të fituar Ligën e Kampionëve. Ne duam t’i fitojmë të gjitha. Është e qartë se veteranët duhet t’i ndihmojë të rinjtë, por edhe anasjelltas. Ka kërkesa të mëdha në këtë klub. Në fillim, të rinjtë do të duhet të përshtaten, por të gjithë duhet të jenë të përgatitur, Klubi ka zgjedhur lojtarët për shkak se i beson ata”.
A duhet të shqetësohet Dembélé – “Shpresojmë se ky do të jetë sezoni i tij. Ne kemi për t’i dhënë shumë mbështetje dhe mundësi. Është një lojtar i jashtëzakonshëm. Sezonin e kaluar ishte i përafërt për shkak të lëndimeve që kishte. A duhet shqetësuar nga Malcom? Gjëja e rëndësishme është se ka konkurrencë brenda ekipit”.
Kandidatë për çdo gjë – “Real Madridi, edhe pse pa Cristiano Ronaldon, do të jetë një kandidat absolut për të fituar gjithçka, si Atlético Madrid”.
Malcom – “Ai është një lojtar i ri, me projektim, sepse klubi mendon se mund të na ndihmojë. Gjithçka do të varet nga performanca e tij. Malcom vjen nga trajnimi dhe do të ketë një shans për të luajtur kundër Tottenham”.
Në Amerikë pa yjet – “Vitin e kaluar kemi ardhur në Amerikë me të gjithë ekipin dhe kjo sigurisht është situatë e ndryshme. Unë do të doja t’i kisha të gjithë lojtarët, por e di se ata që morën pjesë në Kupën e Botës, kanë nevojë për më shumë pushime. Megjithatë, duam që të gjithë të jenë para Superkupës”.
Pesë qendërmbrojtës – “Vermaelen, apo Yerry Mina? Ne do të shohim se si shkon situata. Le të presim dhe të shohim se si shkojnë gjërat. Ne duhet të presim. Natyrisht, do të kemi qendërmbrojtësit më të mirë”.
