Sulmuesi i Kombëtares së Shqipërisë është lënduar në ndeshjet miqësore të Levantes.
Viti 2018 mbyllet para kohë për Armando Sadikun.
Sulmuesi i Levantes, do të mungojë për gjashtë muajt e ardhshëm pasi ka këputur ligamentin kryqëzor të gjurit të majtë e për rrjedhojë duhet t’i nënshtrohet ndërhyrjes kirurgjikale.
Pas testeve të detajuara të kësaj të hënë u konstatua ajo që të gjithë kishin frikë për futbollistin e Kombëtares Shqiptare.
Sadiku u lëndua në miqësoren me Heerenveen të shtunën e kaluar.
Mungesa e tij gjatë gjashtë muajve të ardhshëm do të ndihet shumë edhe në përfaqësuesen kuqezi në ndeshjen e Nations League që nisin në shtator.