Politika e transferimeve e ndjekur nga Real Madrid në vitet e fundit, ka bërë që kampionët aktualë të Evropës më shumë të shesin lojtarë sesa të blejnë.
Kjo politikë e ndjekur ka vënë në vështirësi të mëdha trajnerin e sapo ardhur te Real Madrid, Julen Lopetugei.
Për dallim nga Zinedine Zidane, që kishte yjet si Pepe, Danilo, James e Morata në bankën e rezervistëve, e njëjta nuk mund të thuhet edhe për Lopetugeui.
51 vjeçari sipas asaj që shkruan ‘AS, duket pa alternativa në bankinë me lojtarët që ka n ë dispozicion.
Pika e tij e fortë mbetet portieri Keylor Navas, që pritet të humbas vendin e titullarit pas transferimit të Thibaut Courtois.
Kujtojmë se pikërisht me një bankinë të fortë e më shumë alternativa, Zinedine Zidane arriti të kurorëzohet tre herë radhazi me titullin e Evropës.
Përndryshe sezoni i ri në La Liga nis këtë fundjavë, me Real Madridin që starton në ‘Santiago Bernabeu’ të dielën kundër Getafes.
