25 sekondat e para të ndeshjes së Anglisë me Zvicrën do të transmetohen në bardhë e zi për të parën herë pas rreth gjysmë shekulli, në nder të 25 vjetorit të Kick It Out.
Shikuesit e Sky Sports në mbrëmjen e së martës do të shohin ekipet duke dalë nga tuneli i stadiumit King Power Stadium në bardhë e zi.
Pamja historike do të vijojë për 25 sekonda, për nder të përvjetorit të Kick It Out dhe impaktin e organizatës që ka sulmuar racizmin dhe të gjitha format e diskriminimit që prej vitit 1993.
Ndeshja e dy kombeve i dedikohet Kick It Out dhe lojtarët do të tregojnë mbështetjen e tyre gjatë nxehjes me fanella të stampuara apostafat në nder të organizatës.