Skuadra e drejtuar nga Luis Enrique ka mposhtur atë të Zlatko Dalic me rezultat të thellë 6-0.
Ndeshja ishte e ekuilibruar deri në minutën e 24-të kur Saul shënoi golin e parë të ndeshjes.
Në minutën e 33-të Marco Asensio shënoi një gol shumë të bukur nga distanca.
Dy minuta më vonë, i njëjti për një gjuajtje tjetër edhe më të bukur, ku topi i kthyer nga shtylla preki shpinën e portierit për rezultatin e pjesës së parë 3-0.
Edhe në pjesën e dytë Spanja kishte të njëjtin avaz.
Rodrigo shënoi golin e katërt të mbrëmjes katër minuta pasi kishte filluar pjesa e dytë.
Në minutën e 57-të Ramos shënoi pas një krosimi të Asensio nga këndi.
Golin e gjashtë dhe të fundit në këtë ndeshje e shënoi Isco në minutën e 70-të të ndeshjes.
Kjo njëherë është humbja më e thellë në histori të Kroacisë.
Spanja është e para në grup me gjashtë pikë ndërsa Anglia dhe Kroacia nuk kanë asnjë pikë.