U transferua me shumë bujë nga Kategoria Superore drejt Anderlehtit, por Kristal Abazaj nuk ka arritur të bindë drejtuesit e klubit belg.
22-vjeçari u la jashtë listës së Europës, teksa shumë pikëpyetje janë ngritur për të. Në një prononcim për mediat belge, drejtori sportive, Luk Devroe ka zbuluar pse Abazaj nuk është përfshirë në listën e Ligës së Europës.
“Abazaj i filloi përgatitjet shumë mirë, ai edhe shënoi, por më pas pësoi tërheqje si pasojë e ritmit të stërvitjes dhe intensitetit, i cili është shumë më i lartë se në Shqipëri. Duhet kohe që puna e tij të japë fryte”, u shpreh Luk Devroe.