Mbrojtësi që shënon gola, qendërmbrojtësi me “lëkurë” sulmuesi. Kështu mund të perifrazohet, mes të tjerash, Sergio Ramos, qendërmbrojtësi i vetëm në llojin e vet për sigurinë që i jep prapavijës së Real Madridit, por edhe për golat e çmuar në favor të të bardhëve madrilenë. Pavarësisht se i përket repartit të kundërt me atë ofensiv, në sajë golave të tij, kapiteni i “Los Blancos” e ka regjistruar emrin e tij me germa të mëdha edhe si… golashënues.
Sergio Ramos i duhen edhe 10 gola për të barazuar rekordin e Ronald Koeman dhe të bëhet së bashku me holandezin mbrojtësi me numrin më të madh të golave në historinë e La Liga-s. Deri më sot, Ramos ka shënuar 57 gola në 434 ndeshje të luajtura në elitën e futbollit spanjoll, një shenjë që nuk është në dispozicion as për disa sulmues. Falë këtij “vesi”, të shënimit të golave, kapiteni i Real Madridit është pranë rekordit të një mbrojtësi mitik të futbollit europian dhe La Liga-s, Ronald Koeman.
Mbrojtësi holandez shënoi në kampionatin spanjoll një total prej 67 golash, duke fiksuar një rekord, që deri në shfaqjen e Sergio Ramos nuk ishte kërcënuar kurrë më parë. Me golin e tij kundër Girona, Ramos tashmë ka arritur një “markë” mjaft ekskluzive dhe të pazakontë, duke shënuar në sezonin e tij të pesëmbëdhjetë radhazi. Nëse marrim parasysh mesataren e golave ??për sezon, mesatarja e Sergio Ramos që nga sezoni (2003-2004 i tij debutues me Sevilla është 3.8. Me këtë ritëm, natyrisht, duket se arritja e rekordit të Koeman do të jetë një detyrë e vështirë, por jo e pamundur.
Pas Sergio Ramos, në këtë klasifikim historik të mbrojtësve golashënues të La Liga-s janë edhe dy “madridistas” të tjerë: Hierro dhe Roberto Carlos. Rasti i ish-trajnerit të kombëtares spanjolle në Botërorin e Rusiësë është të paktën kurioz. Gara e tij në La Liga u zhvillua përgjysmë, mes mesfushorit, veçanërisht në fillim të karrierës së tij dhe mbrojtjes. “Centrali” shënoi 51 gola si mesfushor dhe pjesën tjetër, 54 gola si mbrojtës.
Mbrojtësit me më shumë gola në historinë e La Liga-s
1. Koeman – 67 gola
2. Sergio Ramos – 57 gola
3. Hierro – 51 gola
4. Roberto Carlos – 46 gola
5. Larrazabal – 39 gola.
