Kapiteni i Real Madridit e ka pritur që mesfushori kroat ta fitonte këtë çmim.
Luka Modriç dje mposhti konkurrencën e Cristiano Ronaldos dhe Mohamed Salah, për t’u shpallur lojtari më i mirë i vitit nga FIFA.
Mesfushori ishte ndër më meritorët që Real Madridi fitoi Ligën e Kampionëve një stinor më parë dhe me Kroacinë arriti deri në finale të Kampionatit Botëror.
Sergio Ramos si kapiten i Spanjës që ka votuar për Modriçin, ka thënë se ai e ka merituar këtë çmim.
“Jam i lumtur për të sikurse ta kisha fituar vetë”, ka thënë Ramos.
“Ai e meritoi plotësisht, pasi është një lojtar i jashtëzakonshëm dhe ka shkruar historinë me Real Madridin”.