Mesfushori Jahmir Hyka iu nënshtrua një operacioni ditën e premte për të riparuar disa fraktura në mollëzat e fytyrës.
Shtatëshkurtri shqiptar u dëmtua gjat stërvitjes javën e kaluar, teksa Hykës do t’i duhet rreth 2-3 javë për t’u rikthyer në fushën e blertë.
Së fundmi 30-vjeçari ka postuar një foto në “Instagram” pas operacionit me fasho në fytyrë, ku falënderonte Zotin që gjithçka shkoi mirë.
Ky dëmtim në fytyrë e pengoi Hykën që të ishte pjesë e ekipit kombëtar për 2 sfidat e muajit tetor ndaj Jordanisë dhe Izraelit.
