Njeriu që ruan qetësinë, gjërat i merr me sportivitet dhe asnjëherë nuk i ngutet është Sejdi Mërkoja, sekretari i parë i përgjithshëm i Federatës së Futbollit të Kosovës në periudhën 1991-1994. Mërkoja ka material si bombë për futbollin e Kosovës, sepse ka qenë në ditët e para të pavarësimi të saj dhe i din të gjitha rrethanat.
Ai një ditë do t’i shpalos të gjitha një nga një me fakte dhe do ta tregojë ecurinë e vërtetë. Mërkoja është i heshtur, nuk flet tash për tash, por sigurisht se do të mendoj për të nxjerrë një monografi të kohës së sakrificës, sepse ka materiale si bombë dhe që do t’i shërbejnë gjeneratës së ardhshme, madje ato do të jenë edhe në një farë mënyre për t’i studiuar për dhunën e madhe që përjetuan nga regjimi kriminal i Serbisë.
