Përveç Edon Zhegroves, një tjetër ylli i ekipit kombëtar të Kosovës ka probleme me ekipin ku luan.
Milot Rashica vazhdon të mos jetë pjesë e formacionit startues tash e disa ndeshje me Werder Bremen.
Ani pse shkëlqeu në Ligën e Kombeve, trajneri Florian Kohfeldt nuk e sheh si lojtarin ideal për ta futur në 11 shen e parë.
Ka pasur edhe disa ndeshje kur lojtari me prejardhje nga Vushtrria nuk ka qenë i ftuar fare, teksa vendimi arsyetohej kinse për shkak të konkurencës.
Pavarësisht një super-goli të shënuar javë më parë nga gjuajtja e lirë e që i siguroi ekipit gjerman tre pikë, Rashica po vuan për minutazh, duke mos u paraqitur fare në ndeshjet e fundit.
Werderi e ka nisur shkëlqyeshëm këtë sezon në Bundesligë, duke u pozicionuar në vendin e dytë me 17 pikë, një më shume se Bayerni dhe tre më pak se Dortmundi, që është lideri i kampionatit gjerman.
