Rezultatet e dobta dhe sidomos paraqitjet e skuadrës që lënë për të dëshiruar kanë rritur tensionin te Real Madrid. Presidenti Florentino Perez është nën akuzë për shkak se zgjedhja e trajnerit Lopetegui si pasues i Zinedin Zidane nuk ka rezultuar e duhura.
Reali vuan dhe në pesë ndeshjet e fundit ka shënuar vetëm 1 gol. Diçka e pabesueshme kur bëhet fjalë për Kampionët e Europës prej tre sezonesh radhazi.
Një klimë aspak e qetë që u shfaq edhe në stërvitjen përpara ndeshjes në Champions ndaj Viktoria Plzen, ku kapiteni Sergio Ramos u kap me të riun Regulion, vetëm 22 vjeç, duke e goditur dy herë me top.
Motivi? Një ndërhyrje e të riut në dëm të mbrojtësit në tentativë për t’i marrë topit gjatë seancës, teksa po luhej me pasimet si basketboll, pra me duar.
Gjithçka është filmuar, ndërsa duket Ramos i revoltuar dhe shokët e ekipit që befasohen nga reagimi i tij.
