Cristiano Ronaldo do të kthehet në “Old Trafford”, por kësaj radhe me fanellën e Juventusit, në kuadër të Ligës së Kampionëve.
Ylli portugez, që kishte kaluar gjashtë sezone të mëdha te “Djajtë e Kuq”, ka thënë se ndihet sikur në shtëpi sa herë që është në Manchester.
“Faleminderit për mikpritjen e ngrohtë. Gjithmonë ndihem si në shtëpi këtu”, ka shkruar ai në Instagram.
Ronaldo, që u ndëshkua me karton të kuq në ndeshjen ndaj Valencias, do të rikthehet pikërisht ndaj ish-skuadrës së tij, në një takim tejet emocionues.
Ylli portugez, gjatë qëndrimit në “Old Trarfford”, kishte fituar Ligën e Kampionëve, Premierligën si dhe Topin e Artë.
Për “Djajtë e Kuq”, Ronaldo në 292 paraqitje kishte shënuar 118 gola.
