Milan ka luajtur baras 1:1 me Real Betis, në ndeshjen e vlefshme për xhiron e katërt të fazës së grupeve në Ligën e Evropës.
Ishin Real Betis që kaluan të parët në epërsi, qysh në minutën e 12’ të takimit.
Golin për vendasit e realizoi reprezentuesi i Argjentinës, Giovani Lo Celso.
Në pjesën e dytë Milan përmirësuan diçka në lojën e tyre dhe tentuan barazimin.
Këtë e arritën në minutën e 62’ me anë të fantastikut Suso.
Anësori i Milan realizoi një gol tejet të bukur nga gjuajtja e lirë, gol ky që vlejti jo më shumë se një pikë.
Me këtë barazim “rosonerët” kanë humbur edhe pozitën e dytë, pasi u tejkaluan nga Olympiacoss, të cilët grumbullojnë 7 pikë (njësoj si Milan), mirëpo kanë gol diferencën më të mirë.
Real Betis vazhdon të kryesoj grupin me 8 pikë të grumbulluara pas katër ndeshjeve.
