Maximiliano Gomez është duke shkëlqyer këtë sezon te Celta Vigo.
Sulmuesi ka shënuar gjashtë gola dhe ka përgatitur katër të tjerë në dhjetë ndeshje të La Liga-s.
Që në Kupën e Botës që u zhvillua në Rusi gjatë verës ai shfaqi potencialin e tij me fanellën e Uruguait.
Dhe sipas gazetës spanjolle El Pais, Tottenham dhe Borussia Dortmund kanë shfaqur interes për shërbimet e golashënuesit 22-vjeçar.
Dortmund nuk e ka të sigurt qëndrimin e Paco Alcacer pas këtij sezoni dhe vazhdon të kërkojë një sulmues duke parë edhe dëmtimet e shpeshta të spanjollit.
Ndërsa Tottenham nuk ka një lojtar që të konkurrojë me Harry Kane për vendin e titullarit në sulm.
