Selektori i Kombëtares së Malit të Zi, Lubisha Tumbakoviq, para pak ditëve, ka shpallur listën e lojtarëve të cilët do të luajnë në ndeshjet me Serbinë dhe Rumaninë në Ligën e Kombeve në Divizionin C.
Fatos Beqiraj
Aty është përfshirë edhe sulmuesi nga Kosova, pejani Fatos Beqiraj. Beqiraj që luan për Maccabi Netanya, me gjasë do të zbarkojë nesër në stadiumin e Cërvena Zvezdës “Rajko Mitiç” në Beograd. Ndeshja luhet në orën 15.00 dhe mbetet të shihet se Beqiraj do të luajë apo jo, megjithëse është i përfshirë në listë. Beqiraj është nga futbollistët kyq te Mali i Zi.
