Lojtari i Real Madrid i cili për momentin është në huazim tek Levante, Borja Mayoral kur ishte pjesë e të rinjve të Real Madrid për trajner kishte Santiago Solarin, që tash udhëheq ekipin e parë të ‘Mbretërve’.
Mayoral e ka përshkruar Solarin si të ngjashëm me ish trajnerin e Real Madrid Zinedine Zidane.
“Ai është i afërt me lojtarët, shumë i ngjashëm me Zidane.”, u shprehë Borja për AS.
“Jam i lumtur për të dhe i kënaqur që klubi ka besim tek ai.”, vazhdoi Mayoral.
Kur u pyet se nëse dëshiron të jetë ndonjëherë pjesë e ekipit të parë të Real Madrid, talenti spanjoll u përgjigje shkurt : “Sigurisht.”
Mayoral ka zhvilluar 31 paraqitje për ekipin e parë të Real Madrid duke shënuar shtatë gola.
Ndërsa tek Levante ka shënuar vetëm një gol në shtatë paraqitje.