Tregu i hapur i prodhimeve vendore në Gjilan

Gjilani

Tregu i hapur i prodhimeve vendore në Gjilan

Më: 28 qershor 2018 Në ora: 15:46
Gjilan

Sot në sheshin qendror të Gjilanit është organizuar tregu i hapur i prodhimeve vendore, me qëllim përfituesit e granteve të promovojnë punën e tyre, si dhe t’i ekspozojnë dhe shesin produktet e tyre.

Tregu i hapur është mbajtur pas realizimit të suksesshëm të projektit “Mbështetje stabilitetit socio-ekonomik në rajonin e Ballkanit Perëndimor 2017-2018”, që është financuar nga qeveria Gjermane dhe është mbështetur nga ministria e punës e Komuna e Gjilanit, e implementuar nga organizata “Help”.

Valbona Tahiri, drejtoreshë e Zhvillimit Ekonomik në Gjilan, ka thënë se Komuna e Gjilanit është e përkushtuar të jetë vazhdimisht në krah të prodhuesve dhe ndërmarrësve, e veçanërisht femrave në biznes.

Ajo ka potencuar se përmes këtij projekti kanë përfituar 52 aplikues të Gjilanit nga fusha të ndryshme që nga agrobiznesi e prodhimi, deri në tekstil dhe teknologjia.

Tahiri ka siguruar ndërmarrëset femra se do të jetë vazhdimisht në krahun e tyre, që zhvillimi i tyre dhe zgjerimi i ndërmarrjeve të krijuara të ecën mirë dhe të jenë gjatë të ardhmes një potencial për punësim të të rinjëve të Gjilanit.

Tregu i hapur është aktivitet një ditor që ka për qëllim të ofrojë mundësinë për klientët përfitues të granteve të “Help” t’i ekspozojnë ato, promovojnë punën e tyre dhe shesin produktet në hapësirën e Gjilanit, që është përkrahur edhe nga Komuna e Gjilanit.

Sot mund të lexoni Shfletoni kopertinat