Kryetari i Komunës, Lutfi Haziri, ka përgëzuar atletin e ‘bodybuilding-ut’ nga Gjilani, Ermal Elezi, i cili në garën ndërkombëtare të organizuar nga IFBB në Maqedoni, ka rrëmbyer vendin e tretë.
Haziri ka thënë se ndihet krenar me sportistët si Ermali, duke i dëshiruar suksese edhe në garat tjera ndërkombëtare.
“Medalja e bronztë në garën prestigjioze Diamond Cup për atletin e bodybuilding-ut, Ermal Elezi është sukses shumë i madh. Ky sukses i tij dhe i sportistëve të tjerë gjilanas, më bënë të ndihem krenar. Unë e përgëzoj dhe i uroj suksese edhe në garat tjera ndërkombëtare”, ka thënë Haziri.
