Taravari: Spasovski ka kërcënuar dhe frikuar këshilltarët e komunës

Gostivari

Taravari: Spasovski ka kërcënuar dhe frikuar këshilltarët e komunës

Më: 4 prill 2018 Në ora: 14:04
Arben Taravari

Kryetari i Komunës së Gostivarit, Arben Taravari në emisionin e mbrëmshëm në Tv Globi, ka deklaruar se Ministri i Punëve të Brendshme, Oliver Spasovski një ditë para se të votohet Këshilli i Komunës, ka qenë në qytet dhe i ka kërcënuar një pjesë të këshilltarëve, që të njejtit mos të votojnë për propozim për kryetar të këshilit të Taravarit dhe Aleancës për Shqiptarët, transmeton Zhurnal. 

Ai akuzon se i bëjnë obstruksione partitë në pushtet LSDM dhe BDI, me qëllim që mos të jetë i suksesshëm në menaxhimin e Komunës. 

“Mos tju shkon mendja ta përmbani Arben Taravarin, edhe unë i kam parë porositë që i janë dërguar Kashmirit funksionarë të lartë të cilët tani janë Ministra të LSDM-së, në kuptimin mirë ia bëre, e bllokove, kjo është një punë e madhe. Këto porosi kur i pamë u ndjemë shumë keq”, tha Taravari. 

“Kur erdhi koha për të zgjedhë Kryetarin e Këshillit të Komunës ne patëm 16 këshilltarë të sigurt të cilët do të kishin votuar. Kështu i vlersuam, me Kashmirin u dakorduam që një ditë para tu ndihmohet për disa kërkesa të tij për komunitetin rom, dhe ai të na përmbanë”, deklaroi Taravari. 

Ai gjithashtu theksoi se Ministri për Punë të Brendshme ka shtetitur në Gostivarë dhe ka takuar këshilltarët një nga një, iu ka kërcënuar dhe frikuar, dhe të nesërmen ndodhi zgjedhja e dhunshme.

commentFirst article
Më të lexuarat
Sot mund të lexoni Shfletoni kopertinat