Turneu final i Kupës së Hendbollit, përkatësisht ndeshjet gjysmëfinale dhe finale, është vendosur të luhen në palestrën “Karagaçi” në Pejë.
Nga ora 14:00 takohen Vushtrria e Istogu.
Istogu është fitues në fuqi i Kupës dhe llogaritet favorit.
Ndërsa, prej orës 16:00 është ndeshja Ferizaj – Samadrexha. Të dy skuadrat kanë pretendime të mëdha.
Më pas janë ndeshjet gjysmëfinale te hendbollistët. Fillimisht prej orës 18:00 takohen Trepça e Kastrioti.
Trepça është fituese në fuqi e Kupës, por Kastrioti e synon finalen e madhe. Pritet ndeshje po ashtu interesante.
Ndeshja kryesore e ditës zhvillohet prej orës 20:00. Takohen Rahoveci e Besa Famgas.
Këto dy skuadra kanë luajtur katër ndeshje shumë të forta në stinorin e rregullt.
