Klubi i hendbollit Kastrioti nga Ferizajt fitoi dy pikë të qetësisë për në vazhdim të kampionatit. Vashat ferizajase triumfuan me rezultat 38:30 kundër Vëllaznimit nga Gjakova, në ndeshjen e javës së fundit të vjeshtës në Superligën e Kosovës. Vendaset ishin shumë më të mirë dhe me dy pikët e reja i japin vetes qetësi për stinorin pranveror, klub që udhëhiqet nga trajnerja Lirie Muhaxheri, e cila pretendon që të luftojë për Kupën e Kosovës. Kastrioti tani është në vend të pestë me 8 pikë, ka një takim me pak dhe ka 4 fitore e 5 humbje, kurse Vëllaznimi që ka trajner Nexhdet Dobroshin, mban pozitën e shtatë me 3 pikë, 1 fitore, një barazim e 8 humbje.
