Në një moment kishin ardhur para aktit të kryer: të shuhet klubi dhe pikë! Sepse mbeten pa kryesi klubi i hendbollit Kastrioti nga Ferizaj (femra), shtatë herë kampionia e pas luftës, por fatmirësisht nuk u shua.
Doli në skenë Lirije Muhaxheri, vajza që kritikohej shumë poshtë e përpjetë çarshisë së Ferizajt, mbase disa vënë edhe bast si shumë të sigurt, se Kastrioti u shua.
Megjithatë, Liria si trajnere, ashtu si mundi e gjeti forcë, pak i ndihmoi Federata e Hendbollit e Kosovës në aspektin teknikë dhe pak nga xhepi i vet, e shpëtoi ekipin nga shuarja. Kastriotit i mjaftonin dy ndeshje që mos t’i zhvilloi dhe Komisionet përkatëse do ta përjashtonin nga liga. Liria e shpëtoi e klubin dhe fitoi përball bastvënësve në çarshi!
