Trajneri Fadil Kçiku vazhdon me sukseset e tija me skuadrën gjermane HSG Würm-Mitte. Ai është i ngazëllyer për fitoren e madhe me rezultat 21:20 ndaj skuadrës Herrsching, e cila renditet në vend të dytë.
HSG Würm-Mitte garon në Ligën e dytë të Bayernit në hendboll (meshkuj), me synime që të ngjitet një rang më lartë. “Fituam derbin si mysafirë me 21:20.
Ishte lojë e ngjeshur, tipike e fortë deri në sekondat e fundit, e paqarte në rezultat. Por tërë lojën udhëhoqëm dhe fituam me meritë. Me fitore siguruam edhe më shumë vendin e parë”, thotë për gazetën kombëtare “Bota sot”, Kçiku.