Hendbollistja më e mirë shqiptare, Dijana Ujkiç, me ekipin e saj, kampionin e Malit të Zi, Buduçnostin nga Podgorica, ishin të pafat dhe pësuan humbje si vendas me rezultat 24:23 (12:12) nga Ferencvaros i Budapestit, në ndeshjen e vlefshme të grupit 2 të Champions League.
Kjo ishte humbja e parë para shikuesve të vet gjatë këtij edicioni në Champions dhe shumë e rendë. Ujkiç u angazhua maksimalisht dhe shënoi tri gola. Buduçnostit i kushtuan humbja e katër shtatësheve, kësisoj skuadra hungareze shfrytëzoi gabimet e tyre dhe triumfuan në Podgoricë, ku ishin mbi dy mijë shikues në palestrën “Moraça”.
Milena Raiçeviq ka qenë me efikasja me 8 gola dhe te mysafiret u shqua portierja Biro që mbrojti 9 gjuajtje dhe dy penallti. Ferencvaros është në vend të dytë me 10 pikë, kurse Buduçnosti renditet i katërti me 6 sosh.