Fitore të thella për Prishtinën e Shqiponjën

Hendboll

Fitore të thella për Prishtinën e Shqiponjën

Më: 4 mars 2018 Në ora: 13:13
Pamje nga një ndeshje

Prishtina të premten dhe Shqiponja të shtunën, kanë shënuar fitore të thella në ndeshjet e javës së 12-të të Superligës së Kosovës në hendboll për femra. Prishtina fitoi ndaj Samadrexhës me rezultat 34:14 në takimin që e hapi javën e 12-të. Në pjesën e parë samadrexhaset shënuan vetëm pesë gola ndërsa pranuan 15. Me ritëm të njëjtë loja vazhdoi edhe në pjesën e dytë. Prishtina tani i ka 18 pikë në vend të tretë kurse Samadrexha është e fundit me një pikë.
Te Prishtina më efikasja ishte P. Ferataj me 12 gola. Plot dhjetë lojtare të Prishtinës u shënuan në listën e realizatoreve. Te Samadrexha shënuan pesë lojtare, më së shumti Q. Basholli që realizoi pesë gola.
Të shtunën përballjen e skuadrave gjakovare mes Shqiponjës e Vëllaznimit e fitoi Shqiponja me 45:24. 25:12 ishte rezultati pas 30 minutave. Xh. Bajramaj shënoi 13 herë për Shqiponjën, kurse Sh. Fazlija pati 11 gola. Te Vëllaznimia u dalluan E. Radoniqi me 12 gola dhe A. Kursani me 10 gola. Shqiponja është e dyta poashtu me 18 pikë kurse Vëllaznimi i parafundir (7) me tri pikë.
Të dielen (nesër) luhen dy ndeshjet tjera të javës së 12-të. Nga ora 14:30 luajnë Drita e Vushtrria, kurse prej orës 17:00 përballen Kastrioti e Istogu.

Prishtina – Samadrexha 34:14 (16:5)

Prishtina: Uka, Krasniqi, Bregovina, Prapashtica, Ferataj 12, Hashani 3, Berisha 2, Hoti 1, Mekolli 3, Prelvukaj 5, Matarova 1, Sopjani 4, Llapashtica, Stagova 2, Zeqiri 1

Samadrexha: A. Maloku, D. Basholli 2, G. Basholli 4, L. Basholli 1, E. Basholli, R. Maloku 2, Rr. Basholli, F. Basholli, Q. Basholli 5

Shqiponja – Vëllaznimi 45:24 (25:12)

Shqiponja: Berisha 4, Haxhosaj, Juniku 2, Bajramaj 13, Rudaku, Fazlija 11, Mehmeti 3, Goqi 4, Pjeshiq, Malaj 8

Vëllaznimi: Cermjani, Kastrati, Morina, Lluka, Zhubi, Radoniqi 12, A. Kursani 10, Bytyqi, Krasniqi, Bordoniqi 1, N. Kusari 1.

Sot mund të lexoni Shfletoni kopertinat