Zhegra ka dëshmuar se ka të ardhme në hendboll. Zhegra, që po shëndrrohet në qendër të sportit të hendbollit, të dielen ka festuar titullin e kampinit të Kosovës në hendboll për grupmoshën e pionierëve. Garat përfundimtare për pionier janë zhvilluar në Prishtinë, ndërsa në finale zhegrasit e rinjë fituan ndaj Prishtinës. 24:11 ishte rezultati i finales në të mirë të Zhegrës. Pas pjesës së parë rezultati ishte 9:4 për Zhegrën.
Te Zhegra më efikasi ishte Eldonit Shaqiri me 12 gola. K. Qerimi e D. Ramadani shënuan nga tri herë për Prishtinën.
Në ndeshje për vend të tretë u takuan Trepça dhe Besa FamGas. Fitore shënoi ekipi pejan Besa me rezultat 20:18. 12:7 ishte rezultati pas pjesës së parë në të mirë të Besës.
Të dielen janë luajtur edhe gjysmëfinalet.Prishtina fitoi ndaj Besës me rezultat 15:12, ndërsa Zhegra ndaj Trepçës me rezultat 27:26.
Ndeshjet çerekfinale të ligës së pionierëve, përkatësisht të garave shtesë janë luajtur të shtunën. Të drejtë të lojës kishin lojtarët e lindur në vitin 2002 apo më vonë.
